Archiv

Autor-Archiv

Meri Krismas Olgeta!

Krismas em i taim bilong amamas. Na bai yu lukim ol kala kala bilas long ol stua, haus, opis, sios na planti moa. Em i taim bilong ol krismas pati, krismas presen na salim ol samting long krismas.

Krismas i save kamapim amamas taim i gat wanbel pasin. Larim wanbel i mas kamap insait long ol famili, klen o wanpisin na komyuniti bikos Krismas em taim bilong Bel Isi.

Ol raskol i mas kisim Krismas holide na lusim ol narapela wantaim bel isi. Larim ol komyuniti insait long ol viles, ol taun na ol ples i selebretim Krismas wantaim bel isi.

Lewa bilong mipela i go long ol pipel husat i kisim bagarap long pait, klaimet senis na ol narapela hevi; na tingting i go long ol tarangu pipel i nogat mani na kaikai na husat i sik. Husat inap in ken taitim bun na helpim ol.

Yu ken AMAMAS na BEL ISI bilong Krismas i ken i stap wantaim yu.

Kategorien:Uncategorized

Mipela i laikim ol kalsa

Namba 5 mun i go inap lg namba 9 mun em taim blg san na sindaun lg ausait. Olgeta lain i wok lg painim sans lg  lusim wok na kisim win na sindaun nating lg kopi sop. Lg apinun mi laikim tumas sindaun lg hap eria em stap arere lg wanpela Restaurant na ol i kolim Biagaden. I no min olsem gaden i karim ol botol. Tasol yu sindaun aninit long sed blg ol chestnut tree na kisim wanpela o tupela glas bia. Lg Taim blg ol spesol festival ol i no yusim ol draipela truck wantaim diesel ensin we i gat planti hospaua lg deliverim ol bia drum. Nogat. Sampela taim ol i save yusim hospaua trutru. Ol manmeri i laikim dispela kain show. Long wanem em onaim pasin tumbuna na kalsa blg kantri.

Taim blg summer em taim blg marit lg haus lotu. Mi no gat wari lg tupela marit lg piksa. Tupela i kisim blesing pinis. Nau ol i sanap hapsait lg haus lotu na wetim ol soldia lg lodim draipela gan lg taim bipo bipo tru. Gan ol i kolim musket na ol soldia ol i kolim musketeer. Dispela pasin i kam lg taim blg 30yia woa (1618-1648 lg Yurop). Nau tasol ol i senisim pasin lg yusim olgeta. Ol i no sutim man. Nogat! Ol i pairapim gan lg givim biknem lg tupela marit. Em mak blg pati na amamas. Tasol sampela manmeri i no laikim dispela pasin lg bipo. Long wanem ol musketeer i save putim ol klos blg ol soldia na yusim ol samting blg pait. Planti lapun i tingting bek lg taim blg world war II. Planti samting we i pretim ol ol i holim lg tingting. Taim ol i lukim ol musketeer na harim gan i pairap ol i tingim ol soldia trutru.

Kategorien:Uncategorized

No ken lusim ol kalsa

Sanapim maypole – diwai blg Me – em spesol pasin blg ol yut lg hia lg Bavaria. Ol lapun i wok lg skulim ol lg sapim paintri. Ol i no planim pos nating. Nogat. Pastaim ol i hatwok tru lg kavim naispela bilas insait lg skin blg diwai. Dispela yia lokal gavman blg Memmingerberg i makim ol yangpela memba blg fire brigade long go pas lg dispela wok. Fire brigade i save lukautim ples balus tu. Olsema na ol inap yusim ol draipela masin. Mi harim tok blg ol arapela olsem ol paiaman i no gat mit? Watpo ol i no yusim rop tasol? Em gutpela kalsa lg sanapim maypole wantaim han na rop tasol. No ken trikim pasin tumbuna wantaim crane. Ating dispela yia ol i stat lg krungutim nem blg ol yangpela manmeri? Neks yia ol i mas taitim bun na yusim han, mit, rop!

Maski lg komplen. Bilas na kavim i kamap nais tru. Ating ol bai winim fes prais blg 2018-resis. Bai mi givim toksave.

Kategorien:Uncategorized

Nius Apdet

Sarere, Epril 28, Jomie Wild i bin oganaisim bung blg ol foma misinari i bin wok lg PNG. Bin i kamap lg Neuendettelsau, konferens senta blg Mission OneWorld. Ol lapun blg wok misin i amamas lg harim ripot na lukim ol piksa blg Hofagao Kia na Jomie. Stat lg dispela yia inap lg Mas Hofagao i bin stap lg holide lg ples blg en lg Hailens. Jomie i stori (o moabeta mi tok mauswara planti;-) liklik lg wok blg em lg Senior Flier Seminary lg Logaweng. Tripela mun em bin stap lg hap olsem senior expert lecturer.

Em stori lg planti samting i go het lg kantri: Gutpela na sampela samting i mekim pret lg ol. Gutpela: Luteran Sios i kisim strong na ron gut lg planti hap blg kantri. Planti wokmanmeri, jut, kongrigesin, prosek i stap lg rot i gat laip na ol i strongim gutnius na soim gutpela eksampol lg wol. Tasol mipela lain lg. Neuendettelsau i bin tingting planti lg ol samting mipela i bin harim lg ol nupela cult i save kamap namel lg ol jut lg ol Highschool. Man! Planit lain i givim baksait lg laikim blg God. Stretpela tingting na gutpela pasin i pundaun olgeta na nogat nem na namba namel lg ol memba blg dispel kain kalt. Ol wantok i bin bung lg Sarere apinun lg Neuendettelsau i mekim promis lg stap lg prea na helpim ol jut lg PNG lg rausim na egensim dispela strongpela traim.

Tingim taim yu yangpela yet. Taim yu lukim ol pren smok, dispela i kirapim bel blg yu na pulim yu lg smok tu, a? Ol yangpela i nidim strongpela sapot. Olgeta memba blg kongrigesin i mas soim gutpela eksampol na harim nek blg ol yangpela. Laikim ol! Olsem na ol i ken stap strong egensim pasin nogut.

Sande bihain lg lotu lg Memmingerberg mitupela Gertrud i draiv i go lg saut. Gertrud i gat bikpela laik lg lukim ol plaua klostu lg ol maunten. Em hap grassland kain olsem ples kunai. Planti crocuses na kainkain welsayaor i karim plaua. Dispela yia spring i kamap eli tru. Em i no taim yet, tasol ples i hat tru. Thermometer i soim 29 digri!! Summertime. Mi no inap tingem wanpela Epril lg laip blg mi kain hat olsem. Global Warming, Climate Change…

Kategorien:Uncategorized

Mipela go long Memmingerberg pinis

Longpela taim liklik mi no bin raitim sampela samting lg hia. Taim blg kol i stap yet. Tasol mipela hatwok liklik na swet i wetim siot plg mipela. Olgeta kago, haus kuk, ol buk, bet, sia na tebol i go lg arapela ples. Renovesin blg haus pastor lg Memmigerberg i kamap lg mak. Paiawut, kago, kaikai i stap. Tasol tude i no taim blg sindaun lg haus. Mipela raunraun na go lukim naispela liklik haus lotu namel lg bus.
Josef i wokim kaving mipela sanapim lg nupela haus. Taitol blg dispela artwork em „on the move“. Luk olsem, „on the move“ em hettok blg laip blg mipela.

 

Kategorien:Uncategorized

Krismas inap kamap

Las wiken, adven 2, mipela inap redim ol samting blg krismas:  advent wreath blg makim ol fopela sande wantaim kendol istap. Mi yet mi hanagamapim sta blg ol lain Herrenhut (buk „Givim mipela kaikai bilong dispela de“ i kam lg ol) na baim krismas tri. Tri mi bilasim wantaim electric kendol. Gertrud i bin wokim Krismas Kek. Hau lg kukim i bihainim pasin tumbuna. Mi redim olgeta lotu – olsem lituji, autim tok, progrem – stat lg adven 3 inap lg Niu Yia De. Krismas inap kam nau. Na yu? Yu stap redi

 

Kategorien:Uncategorized

Ol Haus Bung bilong Krismas

Nau apinun mitupela Gertrud i bin go lukim ol haus bung blg krismas long Hindelang (40 Min. draiv i go saut lg ples blg mipela). Oloman! Ol manmeri blg dispela taun i bin taitim bun na sanapim planti haus timba. Insait ol i soim na salim kainkain samting: naispela bilas, piksa, kaving, gutpela kaikai olsem sosis, sokolat, kuki, bia, kopi. Hindelang i gat namba lg wokim naipela krismas show lg amamasim ol pikinini na papa mama wantaim.

Kategorien:Uncategorized