Mi lukluk i go long ol maunten…

Tasol man blg helpim mi bai i kamap lg wanem hap? Bikpela i bin wokim heven na graun, em wanpela tasol i save helpim mi. Bai em i no larim yu i pundaun. Bai em i lukautim yu na em i no save slip. Harim gut. Em i save lukautim ol Israel, na em i no save slip liklik. Nogat tru. Bikpela em wasman blg yu. Em i save sanap klostu lg yu na i was lg yu. San i no inap kukim yu nogut, na lg nait mun bai i no inap bagarapim yu. Bikpela bai i was lg yu bai samting nogut i no ken bagarapim yu. Taim yu lusim haus Bikpela bai lukautim yu. Na taim yu kam bek em bai was yet lg yu, nau na lg olgeta taim bihain.

Kategorien:Uncategorized

Holide…

…min olsem kongrigesin na skul i larim mipela i stap longwe lg wok. Tripela wik mi no makim wanpela de lg opiskalenda blg mi. Gertrud mitupela i lusim ples, kalap lg ka na draiv i go stret lg kantri Austria. Tupela wik mipela i bin sindaun antap tru namel lg ol maunten blg provins Kärnten. Las wik blg holide mipela i stap lg not blg Italy, hap ol i kolim Saut Tyrol. Maski lg raitim planti. Ol piksa bai helpim mi lg skruim dispela stori blg holide ekspiriens i go. (Haus lotu em Luteran Sios blg Meran, lg han kais: haus blg pasto.)

Kategorien:Uncategorized

Summertime… and the livin´ is easy

Taim blg san – em taim blg amamas lg sindaun lg aussait na harim musik. Antap i bin kamap lg Munich. Dixieland Band tamblo i bin perfom lg Grönenbach.

Ating Misis blg mi em wanpela i werim sket na meriblaus lg dispela hap graun ol i kolim Allgäu. Paradais, a?

Kategorien:Uncategorized

Hatwok lg wokim sois

Sarere em de mipela i save go lg maket. Plaaanti sois i stap. I no wanpela kain bret o tomato o sis tasol. Nogat, kain kain i stap. Em hatwok lg wokim sois;-)) Ol sekenhan buk mipela inap kisim nating na putim liklik ofa blg helpim ol manmeri i no stap gut.

 

Kategorien:Uncategorized

Nek blg Luteran Sios…

… i kamap long tupela tok ples: tiolosi na musik. Mi ting olsem nek blg Luteran Sios namel lg ol lotu em mas tiolosi we i kam stret lg Baibel na musik we i kamap rot gutnius i inap yusim long kirapim bilip. Musik i sut stret lg bel blg yumi.

Gutpela eksampol blg wok misin i bin kamap lg las wik lg taun Greifswald lg nambis blg Yemani: Festival blg Refomesin Musik. Long olgeta haus lotu ol i pilai musik blg Johann Sebastian Bach. Bach em man i gat biknem lg Yemani. Em save yusim planti nek blg Matin Luta na planti baibelstori olsem teks blg musik blg en.

IMG_5251

Kategorien:Uncategorized

Kirchentag lg Berlin

1. Juni 2017 1 Kommentar

„Kirchentag“ long Berlin (Jun 24-28) i bin givim bes tasol mi bel nogut na sori long wanpela samting: Mi no inap lukim o stap wantaim sampela ges i kam lg PNG. Ating planti bikman na patnasip komiti kain olsem i kisim tanget, a? Tasol nogat wanpela i inap bihainim singaut na kalap long balus na go lg Berlin? Luk olsem. Em mas hevi lg moni o visa o pasport, a? „Kirchentag“ em konfrens, kem na fesival blg ol Luteran na ol Protestan lg Jemani. Bikpela lotu lg las de lg taun Wittenberg i kamap olsem singsing na amamas blg 500 yia Refomesin. Mi bin lukim planti deleget i kam lg Africa, Sautamerika, Esia… PNG, yu stap we?

Sampela blg yupela i askim mi lg ka mi save yusim lg Yemani. Ka blg mi yu inap lukim antap lg wanpela ferry lg Berlin (VW T4/1999/ 415,000km). Arere lg haiwe i go lg Berlin mi lukim tok save bilong salim fastfood i stap lg sainbod. Teks aninit ol i putim lg blek on wait i kirapim bel blg mi. Teks i tok olsem Mi holim yu. God.

Update: Nau tasol Gerard i toksave: POM did attend with poroman long Donauwoerth seket 👍🏿👍🏿

Kategorien:Uncategorized

Lukluk raun long sandaun blg Bavaria

Olgeta wiken mitupela Gertrud i save raunraun. Bavaria i luk olsem provins we olgeta samting i kamap nating long graun. Nogat! Olgeta samting – diwai, gras, kon, poteto…- ol fama i save planim na groim na kisim.
No ken ting olsem Jemani i pulap lg ol manmeri. Hap graun blg PNG em kamap olsem 462,840 km² na 7.5 million man i stap . Jemani: 357.376 km²/81 million. Planti taun lg Jemani i pulap tru! Tasol rurel eria i stap nating. Gras ol i save katim olsem kaikai blg ol bulmakau. Ol didiman i save yusim bikpela masin blg katim gras.

Kategorien:Uncategorized